Blaogy Ho Anao

Porofo an-tsarin'ny halatra

jentilisa

Gaga ihany ny tena raha nandre ny siosion-dresaka hoe toa misy fitadiavam-pifanarahana hoe eo amin'ny Foibe FJKM sy ny fitondrana FAT amin'izao fotoana izao. Izaho moa na dia tsy nanoratra mivantana aza dia efa nanambara fa diso paika ny mpitarika tao amin'ny HMF tamin'iny 20 mey 2010 iny. Andro izay nisian'ny fifampitifirana teo amin'ny FIGN sy ny Emmoreg. Tsy tokony ho niditra mivantana tao anatin'ny raharaha ireo mpitarika ireo fa "mody" nanohy ihany ny fotoana efa nolazaina ho eny Ambohimanandray Ambohimanarina (miala tsiny amin'ilay fomba fitenenana fa ilaina mandrakariva ny ho mailo). Ny olona efa tonga teny amin'ny Mausolée ihany! Azo lazaina fa tokony ho vita aloha ny adidiny teo. Na teo aza izany fahadisoana paika izany dia tsy ankasitrahako mihitsy izany fitadiavam-pifanarahana izany. Amiko raha mifanaraka amin'ny "ratsy" dia lasa miray tsikombakomba aminy koa. Ho fahadisoana paika fanindroany indray raha izany fifanarahana izany no tontosa.

Voatery miafina ireo mpitondra fivavahana ireo, ekeko izany fa tsy natao hahakivy ny toe-javatra. Lasa manome rariny ireo milaza tena ho mpitondra ireo raha vao misy fifanarahana eo, sady tsy hitana ny teniny na oviana na oviana ry zareo fa ny hanome famaizana izay henjana indrindra aza ny kasainy raha vao mitolo-batana eo ireo mpitondra fivavahana ireo. Tsy izany ihany fa mbola ho avy indray ny daroka sy ny fanizambazimbana ary ny fanitsakitsahana ny zo mahaolona sy ny hasina maha-mpitondra fivavahana azy ireo eo imason'ny mpanaraka azy raha vao misy fibabohana eo anatrehan'ny mpitondra ny tany eo. Ary dia ho avy koa ny fieboeboana fa ry zareo no tena irak'Andriamanitra na tendrin'Andriamanitra hitondra ka tsy hisy intsony ny hahatohitra azy ireo. Ho lasa henatra ho an'ny fiangonana ihany koa izany raha amin'ny fomba fijeriko manokana.

Hevitra niposaka avy hatrany ireo na dia tsy izay loatra aza no votoaty kasaiko etoana. Misy ifandraisany ihany manko fa resaka FJKM sy fitondrana indrindra no resahina. Eo amin'ny sehatry ny fampianarana no iompanan'ny resaka eto. Fantatsika fa eo amin'ny sekolim-piangonana dia matanjaka dia matanjaka tokoa ny EKAR, malaza amin'ny fahatsaran'ny fampianarana ry zareo ka dia mifandanja amin'izany ihany koa ny saram-pianarana. Mazava loatra raha voaloa ara-dalàna ny karaman'ny mpampianatra any amin-dry zareo. Ny any amin'ny sekoly protestanta kosa tsy dia tahaka izany loatra fa ireo ankizy avy any ambanivohitra no tena mandalim-pianarana any amin-dry zareo. Matetika anefa ireny olona avy any ambanivohitra ireny no tsy maharaka loatra amin'ny saram-pianarana hany koa voatery somary ahena ny saram-pianarana. Vokany na lasa kely karama ny mpampianatra na tsy voaloa ny karama, antsirambina avy eo ny fampianarana na lasa mikarama any ivelany ihany koa ireo mpampianatra any amin'ny sekoly protestanta. Ankoatra ny zavamisy izany dia maivan-danja ny sekoly protestanta raha oharina amin'ny sekoly katolika.

Hitan'ny filoha teo aloha Marc Ravalomanana izany toe-javatra izany, ny tenany mba nanan-katao ihany. Te-hampisondrotra ny satan'ny sekoly protestanta izy, ary ny sekoly FJKM indrindra indrindra. Na ahoana manko mety ho filaza na ahoana dia ny tenany no saiky ho mpanohana voalohany ny fanatsarana ny sekoly FJKM manerana an'i Madagasikara. Ny fananganana ny Lycée FJKM tamin'ny tanandehibe no napetraka voalohany, ary niainga tamin'ny fananganana foto-drafitrasa izany. Ny ankamaroan' ireo Lycée FJKM vaovao naorina ireo dia saiky nanakaiky fiangonana FJKM iray tamin'ny ankapobeny. Tanàna roa nananganana izany Lycée FJKM izany no hasehoko anareo, ary dia mariho sy jereo tsara ny endrik'ireo maritrano ireo. Tany Antsirabe sy tany Mahajanga ireo sary ireo no nalaiko ary tany amin'ny taona 2008 tany avokoa ny nakako azy. Soa aloha fa naka ireo sary ireo ho vavolombelon'ny tantara.

Ny sary roa dia tany Vatofotsy fa ny anaran'ny fiangonana dia hoe Katedhraly Mahafaly Fahazavana (izaho no manao "tsipelina diso" eto nefa izao no maharesy lahatra ahy) izay miorina ao Antsirabe avaratra, izany hoe ety am-pidirana ny tanàna raha avy aty an-drenivohitra Antananarivo. Na ny fiangonana aza dia ao haingana no niorina noho ny fahavitsian'ny fiangonana raha mitaha amin'ny isan'ny mpino FJKM. Ny trano sekoly eto dia eo ampananganana ny andrintrano izay vy miloko manga raha tazanintsika tsara.

Ny sary iray kosa dia ny sekoly FJKM izay naorina akaikin'ny FJKM Ziona Vaovao Mahajanga. Eto dia hitantsika miharihary fa raha amin'ny sakan'ny trano dia 6 ny isan'ny andry vy, 17 kosa ny isan'izany andry vy izany raha manaraka ny lavan'ny trano ary 3 ny isan'ny rihana. Tsara homarihina manko izany toe-javatra rehetra izany fa raha mitovy ny maritranon'ny Lycéé FJKM Antsirabe sy Mahajanga dia azo heverina avy hatrany fa ho tahaka izany avokoa ny maritranon'ny Lycée FJKM rehetra manerana an'i Madagasikara. Ny tafon'ny trano moa raha jerentsika dia tsy tena marindrano fa somary mitady ho boribory izay ihany. Marihiko hatreto fa ireo tanàna roa ireo ihany no voatsidiko ka azoko sary tamin'ny taona 2008, nefa azoko antoka fa mitovy avokoa ny maritrano. Mazava loatra ihany koa fa manana fitovitovizana endrin-tranon'ny vondron'orinasa tiko ihany koa ilay endri-trano.

Mety hisy ny hitsikera avy hatrany hoe filohan'ny Malagasy iray manontolo izy koa nahoana no ny sekoly FJKM ihany no tadiaviny hokarakaraina fatratra. Filohan'ny Malagasy manontolo tokoa izy saingy tsy azo adinoina ny maha-ao amin'ny FJKM azy izay tsy zakan'ny sasany loatra. Mba manana ny adidiny isankarazany ihany koa izy ary tsy ny volam-panjakana no voatery ho nananganana ireny sekoly ireny. Manana ny fandresendahatra ao aminy izy raha nanapa-kevitra fa ny fampitomboana ny ambaindain'ny sekolim-piangonana no nataony fa tsy ny an'ny sekolim-panjakana ohatra.

Tonga ny fotoana, niongana ny filoha Ravalomanana, nozimbazimbaina ny filohan'ny FJKM, dia norobaina ihany koa ny fananan'ny FJKM indrindra fa ireo fitaovana saiky hananganana ny Lycée FJKM izay notantaraiko teo ambony ihany. Nalaza tamin'ny fiandohan'ity taona ity ny fampanantenana nataon'ny fitondrana hanomezana trano ho an'ny mpianatra tany Barikadimy, Toamasina sy teto Ankatso, Antananarivo. Voasakan'ny mpino tany Toamasina ny saiky handrobana ireo vy fanorenana ny trano (izany hoe ilay andry vy miloko manga efa notantaraiko tetsy ambony), enga anie mba ho izay hatrany fa tsy hoe lasan'ny MPANDROBA ireo fitaovana ireo amin'izao fotoana izao. Lasan'ny MPANGALATRA kosa ireo fitaovana rehetra saiky hananganana ny Lycée FJKM teto Antananarivo, izay nipirina tamina toerana iray teny Alarobia.

Fotoana fohy taorian'izany fandrobana izany dia nirehaka ny sasany fa hanangana trano ipetrahan'ny mpianatra eny Ankatso. Herinandro vitsivitsy taorian'ny fametrahana ny vatofehizoro dia indro fa niorina ireo trano anankiroa. Dia nipoitra ny entana halatra mba ho an'ny mpianatra... henjana ny zavamisy an! natao ho an'ny mpianatra ihany no niafaran'ireo entana halatra nokasaina ho an'ny mpianatra. Raha tsy mety hiorina ny trano ao Barikadimy satria ny tany Analakinina no nokasaina voalohany halaina hanaovana ny fanorenana, fa enga anie ho diso izay fiheverako izay fa enga anie sady tsy voaroba ny entana tao Analakininina Toamasina nefa an-dalam-panorenana ihany koa ny trano ho an'ny mpianatra ao Barikadimy.

Raha ny ao Ankatso manko dia be loatra ka lasa porofo fa ny fitaovana nalaina tao Alarobia ireo nananganana ny trano eo Ankatso ireo. Andry vy miloko manga antitra, 6 no isan'ny andry amin'ny sakan'ny trano ary 17 tahaka ilay tranon'ny sekoly FJKM tany Mahajanga ny isan'ny andry manaraka ny lavany, telo ny rihana ary somary boribory fa tsy tena marindrano. Fehiny, ny sary fotsiny jerena dia hamarino ka ho tahaka ny ahoana ny fifanarahana teo amin'ny mpangalatra sy ny nangalarana ankoatra ny famerenana ny entana halatra amin'ny tompony?

Jentilisa teto Antananarivo 07 jolay 2010 na 07-07-10 amin'ny 01:00

Vali-tagy ny simp Wakawaka ihn wa

news2dago

Vao t@ 2000 anie zany kozinareo zany e! vao tsy ela akory fa oh vao omaly!TPT

"Eisy e le alina eeeeeeeeeee" hoy francis turbo t@ zany andro izany asa nga ze nataonlery t@ alina fa za sure fa natory alo izy e!

(afabaraka @ Razafiarison MDR)

Manarak'izay de ry samoela adala na taoka iny "zarako ara enao mamo mamo sy katrikatry iny manalanala azy sy bebe lazao mahita atao..." sy ny oe "aza tratrako @ akodimirana enao fa akapokapoko tsy misy ho raisina...angarongarony tsy hananany hatra angarongaronony e!!!" efa mivika aby ny mpihira t@ izany fotoana zany.

Ry tempo gaigy moa de aoka fotsiny fa mandefa azy daholo ity radio tsy miakina rehetra ity misy anle oe tiko be madama ô madama manjamanja iny dia eo koa ry tif a tifa na le sipa mahafatifaty hono e! mihira anle oe sipasipako iny e hira oh tsy misy handraisana azy zany no nalaza t@ zany taona 2000 zany kanefa de nahagaga fa nalaza tokoa.

Hafa ihany t@ andronay fahiny efa ela be tany nankafy irony fandihy lambada sy ry DJ bobo "there's a party" oh tsy faty reny ery ny tanora nandiha lamdada.

Zao nama koa misy zany oe Oladada mihira rap hono zany sa hip hop moa tsy haiko laotra ny manavaka azy fa de afindrafindrao amboarimborina fotsiny tsara ihany ka. Fa ny tena tsy matiko lolo kosa alo dia ity le wakawaka ty e! tena mitsanga aby ze bodo sy adala rehefa mande zany any @ lanonana rehetra any le wavin'flag moa de aoka fotsiny koa.

Tena mba maharaka ihany a zany oh tsy mety antitra lety za ra simp a t@ zay fahiny nilalao zoera dia ny hiran'i MJ no tena nalaza ary mbl malaza h@ zao. Fa le bandy jiosy lahy iray iry lety no tena tsy leo mihitsy a miheno azy a i JJ Goldman e! be no maty t@ lery tg teto @ tanana t@ 1987 an!

zay ary no izy rankizy fa dia RDV ds 10ans indray hoy le bandy akama iray iny @ filalaovana poker raha mbl velon'aina ka tahin'ny Tompo.

Tapitra ny tagi-ko eee

saika nataoko tao @ le com ny simp fotsiny izy ty de oh mahita ho soratana foana @ le anekidaoty de aleo zany atao lahatsoratra mht izy ty e

Advantista mahavita irery?

jentilisa

Tranga iray tsy dia ankalazaina loatra eto amin'ny serasera ny resaka fibodoana tany ataona andian'olona milaza tena ho vahoaka sady nahazo alalana avy amin'ny minisiteran'ny mponina araka ny voasoratra ao amin'ny gazety tia tanindrazana amin'ny tanin'ny fiangonana advantista mitandrina ny andro fahafito eny Soamanandrariny. Raha vao olona ambony eo amin'ny milaza tena ho mpitondra anefa no ifandonana dia sarotsarotra ihany ny hivoahan'ny raharaha. Manana ny eritreriny mikasika izany ity fiangonana ity amin'izay ataony.

Tafiditra lalina amin'ny politika angamba aho, eny fa na dia resaka fiangonana aza ny resaka eto, fa politika mitsabaka na manitsakitsaka ny toerana misy ny fiangonana no misy eto, ka ny setriny dia ny tsy maintsy hijoroana hanohitra izany toetran-jiolahimboto izany ka tsy hanjakazakany amin'izay olona na fikambanana izay fantany fa tsy hanao herisetra aminy tsy akory. Nieritreritra aho fa mba mety ho manana anjara ihany koa satria fanoherana ny halatra sy fibodoana tany no misy eto saingy sahiran-kevitra ihany. Niantso firaisankina eo amin'ny fiangonana sady milaza ny hamory ny mpiara-mivavaka aminy rehetra eny Soamanandrariny "Gradin III" tokoa ry zareo ny alahady 18 jolay saingy raha ny fijeriko azy dia ireo ao anatin'ny anaram-piangonana ihany no tena antsoiny.

Samy manana ny mahazatra azy sy ny mandresy lahatra azy tokoa ny tsirairay ka tsy azoko atao loatra ny mamelively na manome tsiny amin'izany. Efa mahazatra rahateo fa tsy tian-dry zareo loatra ny mifangaroharo amin'ny fiangonana hafa, fandrao manko manimba ny fahamasinan'ny fivavahana izany, ka na dia amin'ireny vondrom-bavaka ataon'olo-tsotra ireny aza dia manana ny azy manokana ny advantista fa tsy tia miaraka loatra amin'ireo tsy iray fiangonana aminy. Zavamisy izany ka raha misy ny toe-javatra tahaka izao dia sarotra ho an-dry zareo raha izao ry zareo vao hiantso fiarahana na fiaraisan-kina miaraka amin'ny hafa.

Izaho fotsiny no mieritreritra hoe, hay ve tsy fiangonana iray, intsony no iharan'ny antsojay tahaka izao fa itony koa ny hafa fa tràny ihany koa. Moa ve tsy fotoana izao iarahan'ny rehetra miara-mieritreritra sy mandanjalanja ny tokony hatao? Hatramin'izay manko ny FJKM irery ihany no tena heno ho lasibatra ka toa tsy nahataitra ny hafa loatra. Ankehitriny, misy koa ity fibodoana mahazo ny Advantista ity... moa ve tsy ahiana hiitatra amin'ny fiangonana hafa izao fanosihosena izao? Miantso ihany aho noho izany sao dia tsy fotoanan'ny fiolonolonana intsony izao fa tena avondrona tokoa ny hery ho enti-manohitra ny tsy rariny ka ny eto izao dia eo amin'ny fivavahana? Mbola hifanavakavaka ve ny samy fiangonana samy milaza tena ho kristiana?

Atsaharo ny ompa!

Tena tsorina fa efa elaela ihany no tsy namonjy ny fivoriana eny amin'ny tokotanin'ny Magro ny tena (mbola tsy tao amin'ny kianjan'ny finoana Behoririka mihitsy aho, izany dia noho ny asa atao mazava loatra). Miaiky ireo olona mazoto mankeny mandrakariva aho satria manana fikirizana izy ireo. Na izany aza dia mba maharaka ihany ny sombotsombin-java-misy ny tena noho itony aterineto itony afa-mihaino ny radio rindra (misy mpihaino tokoa ianareo ka aza manahy). Misy anefa ny manorisory ihany eo ampihainoana ny kabary mandeha eny fa lasa tsy mihaja loatra ny fitenenana.

Heno ihany manko fa misy ny fanivaivana tafahoatra ataon'ny sasany amin'ireo mandray fitenenana. Na inona na inona toetra sy haratsian'ny sasany, tsy mety kosa ny manompa azy ireny, indrindra fa toy ny manam-pahefana aminao, afa-misambotra anao noho ny teny tafahoatra ataonao izy fa tsy hoe noho ny tolona ataonao. Azo atao tsara ny mitsikera ny zavatra atao na hevitry ny sasany mifanandrina aminao fa ny manompa kosa tsy mety. Taloha toa mba nisy ihany ny famerana ny olona handray anjara fitenenana fa ankehitriny mitady hivadika ho gaboraraka ihany koa ny fifandaminana. Amiko manokana tsy olona masiaka no andrasan'ny maro na tadiavin'ny maro fa izay mahay mampivondrona ny maro sy mandresy lahatra olona betsaka indrindra ireo izay mihazohazon-kevitra amin'izao fotoana izao. Koa ahitsio, azafady indrindra, ny fomba fitenenana mba tsy ho menatra amin'ny tenin'ny mpikabary ny mpihaino azy.

Jentilisa 17 jolay 2010 amin'ny 00:57

Veloma akia Shoan a !

ikalamako

Tiako ery mahatsiaro anjy toa izao. Misaotra tamin'izay rehetra niarahantsika hatrizay.

Tsy manadino anjy sy ireo andro sy alina lanintsika teto amin'ny tontolon'ny aterineto ikalamako.

Veloma njy la miss,

am-pitiavana be.

Roma, aogositra 2008

Bracciano (Roma), aogositra 2008

Roma, aogositra 2008

Giulianova, aogositra 2008

Roma, jiona 2009

Val de Reuil (Rouen), febroary 2010

Val de Reuil (Rouen), mey 2010

Paris sy Val de Reuil, nandritra ilay takariva nanehoana firaisam-po taminy, febroary 2010

Paika folo hitazonana ny fitondrana jadona

jentilisa

Maromaro ihany ireo variana fa tsy dia nahasoratra loatra ny tena. Misy ny olana manokana saingy etsy ankilan'izany mbola anatin'ny mondial ihany koa isika. Ny tena rahateo mpankafy io baolina fandaka io. Efa teo ampamolavolana ny lahatsoratra indrindra aho no nahita, na nanitsy no marina kokoa ity lahatsoratra iray avy any ivelany mitondra ny lohateny hoe "Fomba folo hitantanana repoblika fôpla" ity (tsindrio ny rohy) . Tena nahavariana ny namaky ilay lahatsoratra ka ampitaiko aminareo aloha sady itarafanareo ny zavamisy eto Madagasikara ihany koa. Samia mamoaka ny heviny ary e! Ho an'ireo izay manana fahaizana ny teny anglisy niaviany dia iangaviana an-tanandroa hanitsy ihany koa satria fifanabeazana sy fifanoroan-dalana ny antsika. Mazotoa mamaky azy ary aloha!

These bags are a look a like of an authentic Chanel handbag

loray

One of the reasons why are wholesale replica handbags and designer inspired handbags better choice is the availability of design. This seems impossible, since these products only, or to copy their designs based on existing designs. But consider this: If you have a budget of $ 300 for a handbag that can buy many bags you if you have to choose a replica designer handbags. As you know, $ 300 would you not give too many choices: either you will end up only a good buy handbag or a few handbags that are already out of fashion. So where does come with a better availability? It’s simple: if you try, wholesale replica handbags and designer inspired handbags may want to buy, $ 300 to buy a lot of stylish and elegant looking handbag handbags that are not certain about designer labels, but may not go out of fashion.

The founder of Chanel brand, Coco Chanel believed that luxury must be comfortable, or else it is not a luxury. The colorful and fancy designer handbags of Chanel are made to improve appearance of the outfit, and it gives a lavish touch on the wearer. Women are crazy about Chanel handbags, they wait for new designs to grab it before anyone else snatches it. The growing demand of Chanel handbags has motivated many manufacturers to produce a replica Chanel bags for the people who find it difficult to purchase expensive bags. Replica handbags are best for today's women who like to go with fashion, but without spending any extra money. These bags are a look a like of an authentic Chanel handbag, the quality of these bags is not of superior quality than the original bag but it is not even of inferior quality.

Another feature that describes how to tell a cheap handbags.which makes the replica bags similar to original bags is their workmanship used in making the bag. The quality of buttons, stitches, zippers, features, straps etc all are similar to original ones. They can be easily compared to the replica Gucci handbags. These replica bags Increasing emphasis on the new wedding wedding bags.reflect the same gloss and finish. The maker of such bags always tries to give the utmost attention to the quality which makes them the The led mr16 is one of the latest pipes resulting from European advanced technology of gos.exact reproduction of the original. They never compromise with the quality.

http://loray.timluo.net/post/54/715

http://blog.smile99.com.hk/tiffanyjewellery/2010/07/07/channel-is-the-best-selling-out-brand-and-most-preferable-source-for-many-fashionable-women/

http://blog.slowwwenia.com/tiffanyjewellery/2010/07/07/every-replica-designer-handbags-from-this-designer-has-a-distinguishing-style-to-it/

http://tiffanysjewelry.blog.com/2010/07/07/looking-handbag-handbags-that-are-not-certain-about-designer-labels-but-may-not-go-out-of-fashion/

http://tiffanysjewellry.over-blog.com/article-one-of-the-known-reason-for-the-choice-of-imitation-or-inspired-bags-designer-bags-on-the-price-53546593.html

Retour Vers le Futur

simplex

Tadidinareo ve ity?

Tsy haiko fa tato ho ato ah otran'ny mahatsiarotsiaro na hoe miverina ato andohako be ny tany @ 10 taona lasa tany... eee antitra ihany letia ee looooollll

Bolongana rapida ity fa hamaranako azy dia ity ary misy tagy kely ze te hanao. Samia milaza ny hira tena tsaroany na hoe tsy afaka ambava na hoe nanamarika be anao, t@ 10 taona mahery tany... dia mba tantaraina ra misy azo tantaraina na hoe anecdote kely tsy tena personelle be... Tsy voatery fa ze mazoto ee (remember, bloggin is about narcisism if u're the blogger and gettin to know what they don't want you to know if u're the reader )

Nena bedabe fa hosinganiko manokana le hoe Truly madly deeply an'i Savage Garden. Mpandeha t@ OTV moa sa TVPlus t@ izany andro izany... indray alahady hariva nande talohan'le dessin anime hoe Mulan (funny part misy an'le hoe: une fille m'attend depuis bientot 40 ans,, >>depuis tt ce tps elle n'a surement plus de dents ) ... dia nisy nanotany tany ampianarana ny ampitso...

Ny antony nitenenako azy dia nohainoko io zany dia nisy nanotany hoe in ny henoin'la ?... eo mba henoiko... afaka fotoana fohy: soooooooooooo 1999!!
Saina tonga... hay tokoa moa... voatoraka hoazy ity bolongana ity ^:^

C'est la vie!!

Mandroso mankany amin'ny lasa...valin-tagin'i simp.

ikalamako

Elaela izay no tsy nisy tagy...mba manampy kely hanodina ny saina tsy halahelo loatra.

Tonga ny tagy rehefa hoy i simp hoe : Tadidinareo ve ity ?...

Hiverina any @ 40 taona lasa aho - kiiiiii litika aho tamin'izany fa isaky mamaly ny fanontaniana hoe "iza ny anaranao" ny tenanay dia mahazo an'zao hira zao foana :

Nony nihalehibe dia toa nilay ilay izy - arakarak' izay nifrapy tamin'ilay hira koa zany ee

Izao ilay izy tena revena amin'ny fo fa lasa "vakoka" ... saingy indrisy nosimbain'i lery amin'ny ilay zesta kosa nama ilay hira milay ben'ny dadany a....(Hafatra manokana : Izay manana ny orizinalin'izy io dia iangaviana hifandray @ tompon'anarana....)

Na izany na tsy izany, ikalamako koa mbola nahabotrabotra hatramizao an - inona no misakana anao tsy hanokatra blaogy ?

Tiako foana ianao e (valin-tagin'i Simp)

kdaombaramita

Variana aho namaky indray ny lahatsoratr'i Simp izay ela tsy hita teto niresaka hoe inona no hira nanaitra anao folo taona miakatra lasa izay ? Dia hoe nahita ity hiran'i Tempo Gaigy ity koa aho : ranomaso efa ritra (raha afaka 10 taona dia mety ho io indray no ho lazaiko anao eto ry Simp), noheveriko ho "Tiko foana ianao " no lohateny t@ voalohany dia io no nahatonga ilay lohatenin'ity lahatsoratro ity satria tiako foana ireo hira taloha nanamarika ny fahatanorako (itako fa tsara na izany ary ny hiran'ireto mpihira ireto rehefa nozohiko tao amin'ny iotoba).

Ny ahy TIAKO FOANA ireo hira tamin'ny andron'ny DISCO ! Tadidiko tsara ny lamaody tamin'izany fa fitafiana telo manao totohotra : pataloha disco, lobaka lava asiana pull na gilet teo amboniny, miaraka @ fandihy disco sy ny volo mitovy @ i Travolta ! Dray dray dray, fatratra tokoa ! Ny hira amin'io anie dia : "ah ah ah ah staying alive, staying alive" ......... tsy ratsy tokoa moa ireny bàn-kira ireny leiretsy e ! Fa ny mpihira tiako indd dia ry Bee Gees kosa aloha e, tena reviko mihitsy ny "How deep is your love, Night fever, More than a woman, You should be dancing, Love so right, sns ", misy ilay iray miaraka amin'i Céline Dion any " Immortality " no lohateny tena favy be koa na dia taty aoriana ary no nivoaka. Ny mpihira niara-nivoaka taminy aloha koa tsy ratsy mety ho tsaroanareo angamba ry ABBA (io ilay fahatelo tsy tadidiko ary @ hafatra ho an'i Simp ary) sy ry Boney M ... na ity farany ity koa ary tsy ratsy azony lahateny tao anaty Baiboly kristianina no ankabeazany nataony hira, fa aoka fontsiny koa rehefa mahita ilay rangahy mandihy² fatratra ery, mbola itanareo tsara ny fahaizany tamin'izy nandalo taty Dago ireny fa tena mbola raitra na dia efa nandroso ihany aza ny taonany 60 ! Manaova sport ihany ry zareo a, mba mbola ho reharehan'ny zafikely rehefa 60 ans mandihy² miaraka aminy sao voan'ny "coup de vieux" toa an'i Simp rehefa kelikely ka mahatsiaro ho antitra tampoka teo, tandremo sao miakatra ny tosi-drà an'i toi an !

Asa mety handalo eto i Claudine, Liva, Suzy ary Fenomanana, Francine, Lydia namako niara-nianatra nandihy disco tamiko fony izahay teny amin'ny CEG Nanisana, ilay nianatra nandihy teo an-davarangana ! ............Mety handalo eto koa ary i leiry kely t@ izany dia mety ho tonga saina hoe fantatro daholo ireto ankizy voalaza ireto fa naman'i ..... noho izany fantatro i Kdaombaramita, "La terre tournera sans nous" par Alain Barrière raha tadidinao raha toa ka sendra mandalo eto ianao, tantara izany zalahy e ! ha ha ha !

Tiako foana ilay hirako ireny e !!!!!!!!

Viewer discretion is advised

simplex

Gazety tribune de madagascar anio,

Izay vao tena resy lahatra aho fa tsy ao anatin'ny Matrix isika!

Ho an'i Lemenakely

sitlo

Elaela izay lery no tsy hita tao amin'ny serasera

Lahatsoratra N 7 / 2010

pissoa

Tena tsy ampy tokoa ve ny teny Malagasy ?

Ataoko lahatsoratra mitokana, fa azo atao hoe tohin'ilay resaka amin'i (???) atsy amin'ilay tononkalon-dRamakavelo.

Maro ny mihevitra fa tsy maharaka ny fandrosoana mihazakazaka amin'ny lafiny maro ny teny Malagasy. Heverina fa "tsy mahalaza izay ata" ny teny Malagasy. Dia mbola hoy ihany aho hoe, sao ilay olona no tsy mahalaza fa tsy ny teny :)

1 - Ny tsy fahaizana ny teny Malagasy mantsy ohatra efa tsy takona afenina intsony amintsika samy Malagasy. Firy amintsika no mahafehy ny fampiasana ny "tsy afaka" sy ny "tsy azo" ohatra ? Voambolana tsy vaovao amintsika nefa ireo. Mety ho bedy ve aho raha manonona mpitarika ao amintsika, tena mampiana-dratsy ny ankizy any amin'ny SFF ny fampiasany ireo ? Ary firy ny ankizy no mahafantatra izany "Volombatolalaka" ?

2 - Indraindray koa ny tsy fahazoana tsara ny teny vahiny no adika avy hatrany ho tsy fahampian'ny teny Malagasy. Raha azo tsara ve ny tian'ny tena holazaina amin'ny teny vahiny, tsy ho hita eo ihany ny hanazavana azy amin'ny teny Malagasy. Nisy dinika izay tao amin'ny serasera indray mandeha hoe inona no dikan'ny "Paysage" amin'ny teny Malagasy. Isan'ny hevitra nitranga tao ny hoe "fari-tazana". "Endriky ny faritra" no handikan'ny firaketana.org azy. Teny tsy vaovao amintsika angamba ireo, fa indraindray isika tsy te hiezaka fa toa mora kokoa ny miteny hoe ... tô tsmis am teny gas zany oe paysaz.

3 - Raha ny "hahalaza izay atao" koa no tanjona, inoako marimarina fa tsy voatery teny vaovao be no ampiasaina ! Mihazakazaka ny fandrosoana ee, betsaka ny zavatra tsy tao Madagasikara no noforonina ee :) Ary ahoana ny solosaina, fahitalavitra, ny vata maro afitsoka sy ny amponga maro anaka sns ? Tsy nisy vaovao tamin'ny Malagasy angamba ireo teny ireo tamin'ny fotoana nipoiran'ireo fitaovana ireo tsirairay avy. Manginy fotsiny ny fanagasiana - Malagasy :) Rehefa misy ady hevitra tahatahaka izao dia maika ery isika hiteny hoe : Inona ary no dikan'izao, inona ary no dikan'izao, dia tanisaintsika eo ny fitaovana novokarin'ny vahiny. Ndeha anie andramana fari-paritana amin'ny teny Malagasy, tsy ho "voalaza" ve ny tiana ambara ? Heater, synchrone, , [???] player, parallelism, hmmm inona koa lol.

Tsy mihambo mahay ny teny Malagasy aho amin'ity lahatsoratra ity. Betsaka tokoa ny teny Malagasy tsy mbola fantatro, na amin'ny sehatra tena iasako aza. Fa noho izay indrindra no hilazako fa mbola betsaka ny zavatra mila hianarantsika alohan'ny hilazana fa tsy ampy ny teny Malagasy. Ny teny efa misy aza tsy fantatsika akory (ny ampahatelony, ny antsasany, ny androatokony ?!), ka ny hilaza fa tsy ampy ireo no maha-maika ?

Tsy fandresan-dahatra tsy hiteny hafa tsy Malagasy koa ity an, ha ha ha.

Mampatsiahy ahy ilay hira kilalao tamin'ny mbola kely :

Ny eo am-bilia tsy lany,

ny ao am-bilany takarina.

Loza loatra ny toetrany

ka lanin'ny alika ny foitrany

hi hi hi

OLANA ETO AMIN'NY BLAOGY.COM

mpakavato

Salama e!!!

EFA HO IRAY VOLANA IZAO IZAHO NO NIEZAKA NAMPIDITRA SARY FA TSY METY MAHATAFIDITRA MIHITSY TOY NY TEO ALOHA .

EFA NANDEFA MAILAKA TANY AMIN'NY SERVEUR IZAHO FA MBOLA TSY NIVALY HATRAMIN'IZAO.NY BLAOGY HAFA ANEFA MAHATAFIDITRA SARY IHANY.

DIA NIVERINA MPAMAKY INDRAY .

MBA JEREO E!!!!!!!!

Izay no nampalaina ahy tato ato.

Veloma e!!!!! .

TOY IZAO NY FAMPIDIRAKO IREO SARY TEO ALOHA:

1-Niditra tao @ administrateur

2-Nakao @ Hampiditra sary na tahirintsary

3-Nakao @ Hampiditra sary.Marihina fa efa nanao Album.

4-Nifidy ny Fichiers hampidirina

5-Nampiditra ny Sary

6- Dia niandry.......

7-Nivoaka ny soratra hoe:Erreur en ajoutant le fichier.Miaraka @ soratra be dia be!!

8-Dia hoatr'izay foana....

Marihina fa sary efa nakelezina t@ Photoshop ny sary alefa.

Efa nampianariny ra-Jentilisa ahy t@antsipirihany ny fampidirana sary. Isaorako azy de dia be!

Tsy haiko na diso ny adiresy mailaka nanoratako tany @nao (Hery).

SIVANA ATERINETO ENY AMIN'NY ONIVERSITE ANKATSO

mpakavato

Raha fantatra sy malaza amin'ny sakana eo amin'ny Aterineto ny Firenena Kominista sy ny mpitondra jadona any ivelany.

Io ilay hoe :GREAT FIREWALL na rindrin'afo ny aterineto,manakana ireo hevitra izay mety hanohitohina ny fitondram-panjakana.

Misy izany eto Madagasikara ary eny amin'ny Anjery manontolo no ahitana azy io.

Maro ireo mpampiasa ny eterineto (Mpandraharaha sy Mpampianatra),no mitaraina.Ny tena voasivana sy voatsikilo moa dia ny

taratasy imailaka .Ary mety ho tsy lasa mihitsy aza izany mailaka izany raha mandefa ;Raha misy hevitra tsy mifanaraka amin'ny Mpandrindra na Serveur(Nomena departemanta iray hitantana azy io),ka any amin'ny Cyber-Cafe any ivelany Oniversité vao hita.

Etsy ankilany ny tranokala fanehoan-kevitra sy fifaneraserana ,dia tsy tafiditra mihitsy.

Ohatra:Ny tranokalana BLOG maro samihafa,ny FACE-BOOK,ny TWITTER ,ny YOU-TUBE,sy ny Forum maro samihafa.

Misy fankalazana atao ao amin'ny Fakiolte iray amin'izao fotoana izao.Nampiasaina ny FACE-BOOK izy ireo mba ifaneraseran'ny Mpianatra sy ny Mpampianatra eto an-tanindrazana sy any ampitan-dranomasina.

Ny olana:Tsy azo ampiasaina amin'ireo vohikala(Site Iternet) voatonona eo ambony ireo ny connexion internet ampiasaina manerana ny Oniversite.

Noho Izany izay Mpianatra sy Mpampianatra mikasa ny hiserasera dia any ivelany Oniversite na ireo Cyber mahaleotena ao anatiny (Mampiasa Moov na Blueline) no manatontosa izany.

Mihavitsy ny Mpiasa sy ny Mpampianatra no mampiasa azy io,ary aleony mandoa vola dia milamina ny saina.

Marihina fa mandeha soamatsara io connexion maimaimpoana io.Io moa dia vokatrin'ny fifanarahana tamin'ny Cooperation Française ary tsy aloa vola

NY TOE-TSAINA TENA MALAGASY

mpakavato

"Mila mahafantatra sy mahay ny Tantara marina sy ny toe-tany marina eto Madagasikara" Ny tena atao hoe Malagasy sy manana saina tena Malagasy satria mahafantatra ny maha izy azy sy ny fototra niaingana ary ny loharano nipoirana.

Raha Fantatra ireo dia teraka ho azy ny saina Malagasy lalin-dalina kokoa.

Ny mampalahelo anefa dia vitsy ny Malagasy liana sy tia an-dalina izany,ary ireo izay mahay dia tsy mizara ,asa mety nohon'ny tahotra angamba ny hoe nilaza ny marina.

Mila mahalala fototra tsara vao manana toe-tsaina tia tanidrazana fa tsy ny fototra vahiny no hajoro ao an-tsaina .

Matetika dia tsy miova sy efa tranainy ny Tantara am-pianarina any an-dakilasy,tsy miova fa ilay efa tamin’ny 15 Taona lasa ihany.Ny tiako ambara dia tsy hoe hovaina tanteraka fa ampiana mia-ndalana sy halalinina hatrany mba hananany sy hahafantaran’ny Taranaka(Ankizy) ny tena nisy marina.

Mijanona amin’ny honohono sy angano fotsiny ny Tantara,ka lasa tsy maharesy tosika ny kolo-tsaina avy any ivelany.Lasa tsy mahafantatra ny tena maha izy azy ny Taranaka.

Mbola variana miady amin’ny Kapaoka ny ankamoroany Malagasy ,satria nampahantraina,hany ka lasa tsy mahafantatra ny zava –nisy marina teto amin’ny Firenena.

Maro ireo miezaka mitrandraka sy mandalina kolo-tsaina ary tantara fa mbola miady irery satria miantotena sy miady irery.

Ny fitaovana sy ny fikarohana koa lafo ary indraindray mila fandehandehanana lavitra mihitsy.

Aretina iraisany firenena Afrikana rehetra izay zana-tany io,ary na ny teny ampiasana aza dia ny tenin’ny mpanjanaka.Misaotra an’Andriamanitra aho fa tsy izany ny eto Madagasikara.

Farany ny tena olana dia ny Tantara nosoratany vahiny no tena betsaka ka maro amin’izy ireny no namboarina mba hiarovana ny tombotsoany teto amintsika .Noho izany mila fahamalinana ny famakiana azy ireny .

Andao ary hiezaka hahalala sy handalina ny Tantara sy ny Kolo-tsaina Malagasy ary hampita izany amin’ny fiaraha-monina.

Mpakavato.